ТОШКЕНТ, 17 июль. /"Дунё" АА/. Ўзбекистон ташқи ишлар вазири Бахтиёр Саидов бугун Кобул шаҳрида Афғонистон ички ишлар вазири вазифасини бажарувчи Халифа Сирожиддин Ҳаққоний билан учрашди, деб хабар қилмоқда "Дунё" АА мухбири.

"Афғонистон ички ишлар вазири вазифасини бажарувчи Халифа Сирожиддин Ҳаққоний жаноблари билан учрашишдан мамнунмиз, – деб ёзди Ўзбекистон ТИВ раҳбари ўзининг telegram-каналида. – Мамлакатларимиз ўртасида хавфсизлик, ҳуқуқни муҳофаза қилиш ва минтақавий барқарорликни таъминлаш соҳаларида кенгайиб бораётган ҳамкорликни муҳокама қилдик.

Афғонистон Ички ишлар вазирлигининг мамлакатдаги хавфсизлик билан боғлиқ вазиятни сезиларли даражада яхшилаш ва гиёҳванд моддалар ишлаб чиқаришга қарши курашиш борасидаги саъй-ҳаракатларини алоҳида қайд этдик".

"Дунё" АА олган сурат