ТОШКЕНТ, 5 февраль. /“Дунё” АА/. Ўзбекистон ташқи ишлар вазири Бахтиёр Саидов Вашингтонда АҚШ давлат котибининг биринчи ўринбосари Кристофер Ландау билан учрашди, деб хабар бермоқда “Дунё” АА мухбири.

“АҚШ Давлат котибининг биринчи ўринбосари Кристофер Ландау жаноблари билан самарали учрашув ўтказдик, – деб ёзди Ўзбекистон ТИВ раҳбари ўзининг telegram-каналида. – Муҳокамаларимиз, энг аввало, Олий даражада эришилган барча келишувларнинг ўз вақтида ва самарали амалга оширилишини таъминлаш, янги истиқболли лойиҳаларни кенгайтиришга қаратилди.

Шунингдек, 2026 йилга мўлжалланган икки томонлама кун тартиби юзасидан фикр алмашдик ҳамда Ўзбекистон ва Америка Қўшма Штатлари ўртасидаги кенгайтирилган стратегик ҳамкорликни янада мустаҳкамлашга бўлган умумий интилишларимизни тасдиқладик”.