Чўлпонота шаҳрида ШҲТга аъзо давлатлар Ташқи ишлар вазирлари кенгашининг навбатдаги йиғилиши бўлиб ўтди
Июль 24, 2026. 15:30 • 2 дақ
• 116
ТОШКЕНТ, 24 июль. /“Дунё” АА/. Ташқи ишлар вазири Бахтиёр Саидов Шанхай ҳамкорлик ташкилотига аъзо давлатлар Ташқи ишлар вазирлари кенгашининг навбатдаги йиғилишида иштирок этди, деб хабар бермоқда “Дунё” АА мухбири.
“Бугун Чўлпонота шаҳрида Шанхай ҳамкорлик ташкилотига аъзо давлатлар Ташқи ишлар вазирлари кенгашининг навбатдаги йиғилишида иштирок этдик, – деб ёзди Ўзбекистон ТИВ раҳбари ўзининг telegram-каналида. – Бўлажак ШҲТ саммитига тайёргарлик кўриш доирасида Ташкилот фаолиятининг устувор йўналишлари, кўп томонлама ҳамкорликни янада ривожлантириш, иқтисодий ва транспорт-логистика алоқаларини кенгайтириш, минтақавий хавфсизлик ва барқарор тараққиётни таъминлашга оид долзарб масалаларни муҳокама қилдик.
Йиғилиш якунида қатор ҳужжатларни имзоладик.
Анжуман доирасида делегациялар раҳбарлари билан биргаликда рамзий маънога эга бўлган картинани яратиш маросимида ҳам қатнашдик. Ушбу ташаббус ШҲТ маконида ўзаро ишонч, дўстлик ва яхши қўшничилик руҳини янада мустаҳкамлашга бўлган умумий интилишимизнинг ифодаси бўлди.
Тадбирларни юксак даражада ташкил этгани ва самимий меҳмондўстлиги учун Қирғиз Республикаси ташқи ишлар вазири Жээнбек Кулубаев жаноблари ва барча ташкилотчиларга чуқур миннатдорлик билдирамиз”.
“Дунё” АА олган сурат
Telegram каналига обуна бўлинг
Барча янгиликлар ва янгиланишлардан биринчилардан бўлиб хабардор бўлинг!
Сўнгги янгиликлар
Барчаси
Мавзуга оид
Ўзбекистон ва Россия ТИВ раҳбарлари музокаралар чоғида олий даражада эришилган келишувларнинг ўз вақтида ва тўлиқ амалга оширилишига алоҳида эътибор қаратдилар
