DAMASHQ, 10-sentabr. /“Dunyo” AA/. O‘zbekiston elchisi Ayubxon Yunusov Suriya tashqi ishlar vazirligi Osiyo, Afrika va Okeaniya mamlakatlari departamenti rahbari Nada al-Asvad bilan uchrashdi, deb xabar bermoqda “Dunyo” AA muxbiri “SANA” axborot agentligi maʼlumotiga tayanib.

Uchrashuv davomida tomonlar ikki tomonlama munosabatlarni yanada mustahkamlash istiqbollari, mamlakatlar tashqi siyosiy idoralari o‘rtasida siyosiy maslahatlashuvlar o‘tkazishga tayyorgarlik ko‘rish masalalarini muhokama qildi.

Muloqot chog‘ida O‘zbekiston–Suriya o‘rtasida iqtisodiy va sarmoyaviy hamkorlikni rivojlantirishga alohida eʼtibor qaratildi.