STOKGOLM, 7-may. /“Dunyo” AA/. O‘zbekiston elchisi Rahmatulla Nurimbetov Shvetsiya migratsiya vaziri Yoxann Forssell bilan uchrashdi, deb xabar bermoqda “Dunyo” AA muxbiri.

Uchrashuv davomida O‘zbekiston va Shvetsiya o‘rtasida migratsiya sohasida keng qamrovli hukumatlararo bitimni imzolashga tayyorgarlik ko‘rish bo‘yicha qo‘shma saʼy-harakatlar, shuningdek, ushbu hujjatning kelgusida ijro etilishi mexanizmlari muhokama qilindi.

Suhbat chog‘ida vazir O‘zbekiston Shvetsiya migratsiya sohasida bitim imzolashni rejalashtirayotgan birinchi davlat bo‘lishini hamda bu ikki tomonlama hamkorlikni kengaytirish yo‘lidagi muhim qadam bo‘lib xizmat qilishini alohida taʼkidladi.