TOSHKЕNT, 15-oktabr. /“Dunyo” AA/. O‘zbekiston tashqi ishlar vazirining birinchi o‘rinbosari Bahromjon A’loyev Buyuk Britaniya Tashqi ishlar vazirligining mudofaa va xavfsizlik masalalari bo‘yicha bosh direktori Nil Uiganni qabul qildi, deb xabar bermoqda “Dunyo” AA muxbiri.

TIV ma’lumotiga ko‘ra, uchrashuv chog‘ida O‘zbekiston–Buyuk Britaniya hamkorligining bugungi holati hamda o‘zaro manfaatli barcha yo‘nalishlarda uni yanada rivojlantirish istiqbollari muhokama qilindi.

Shuningdek, xalqaro va mintaqaviy kun tartibidagi dolzarb masalalar yuzasidan fikr almashildi.

“Dunyo” AA surati