TOSHKENT, 16-may. /“Dunyo” AA/. 15-may kuni Dehli shahrida BRIKS tashqi siyosiy idoralari rahbarlarining uchrashuvi doirasida O‘zbekiston tashqi ishlar vazirining birinchi o‘rinbosari Bahromjon A’loyev Hindiston tashqi ishlar vaziri Subramanyam Jayshankar bilan muzokaralar o‘tkazdi, deb xabar bermoqda “Dunyo” AA muxbiri.

TIV ma’lumotiga ko‘ra, tomonlar oliy darajada erishilgan kelishuvlarni amalga oshirish, siyosiy muloqotni mustahkamlash, savdo-iqtisodiy, investitsiyaviy va madaniy-gumanitar sohalarda keng qamrovli hamkorlikni rivojlantirish yuzasidan fikr almashdi.

Joriy yil iyun oyida bo‘lib o‘tadigan V Toshkent xalqaro investitsiya forumi doirasida Hukumatlararo komissiyaning 14-yig‘ilishini o‘tkazish hamda O‘zbekiston–Hindiston biznes-forumini tashkil etish bo‘yicha kelishuvga erishildi.