DЕHLI, 8-iyun. /“Dunyo” AA/. O‘zbekiston Tibbiyot va farmatsevtika tarmog‘ini rivojlantirish agentligi direktori Abdulla Azizov Hindistonga amalga oshirgan amaliy safari doirasida Telangana shtati bosh vaziri o‘rinbosari Mallu Bhatti Vikramarka bilan uchrashuv o‘tkazdi, deb xabar qilmoqda “Dunyo” AA muxbiri.

Tadbir chog‘ida tomonlar sog‘liqni saqlash, farmatsevtika, investitsiyalar va sanoatni rivojlantirish sohalarida o‘zaro hamkorlikni yanada mustahkamlash istiqbollari, shuningdek O‘zbekiston va Telangana shtati o‘rtasidagi hamkorlikni kengaytirish istiqbollarini muhokama qildi.

Uchrashuvda O‘zbekistonning Hindistondagi elchisi Sardor Rustamboyev ham ishtirok etib, Mallu Bhatti Vikramarkani V Toshkent xalqaro investitsiya forumida ishtirok etishga taklif qildi.

Muloqot yakunida tomonlar ko‘pqirrali sheriklikni rivojlantirish va qo‘shma tashabbuslarni amalga oshirishdan manfaatdor ekanini tasdiqladi.