VARSHAVA, 5-sentabr. /“Dunyo” AA/. O‘zbekiston va Pokiston Afg‘oniston hududini chetlab o‘tib, Xitoy orqali ikki tomonlama savdoni kengaytirish bo‘yicha dastlabki kelishuvga erishdi, deb xabar bermoqda “Dunyo” AA muxbiri “Kierunek Kaukaz” portaliga tayanib.

Maqolada qayd etilishicha, yaqin vaqt ichida tomonlar tegishli protokolni imzolashni rejalashtirmoqda. Hujjat mintaqaviy xavfsizlik bilan bog‘liq tahdidlar sharoitida ikki davlat o‘rtasidagi tranzit imkoniyatlarini kengaytirish va yuklarni uzluksiz yetkazib berishni taʼminlashga qaratilgan.

Qayd etilishicha, O‘zbekiston bir vaqtning o‘zida Transafg‘on temir yo‘li loyihasi ustida ham ish olib bormoqda. Ushbu loyiha O‘zbekiston mahsulotlarini Pokistonning dengiz portlariga tezroq yetkazib berish imkonini yaratishi kutilmoqda.