AQShning Vashington shtatida 1-sentabr O‘zbekiston Mustaqilligi kuni deb eʼlon qilindi
Sentabr 05, 2026. 14:00 • 2 daq
• 8
SIETL, 5-sentabr. /“Dunyo” AA/. Vashington shtati gubernatori Bob Fergyuson mamlakat mustaqilligining 32 yilligi sharafiga 1-sentabrni shtat miqyosida rasman “O‘zbekiston Mustaqilligi kuni” deb eʼlon qildi, deb xabar beradi “Dunyo” AA muxbiri.
Rasmiy bayonotda O‘zbekiston mustaqilligining tarixiy ahamiyati, uning madaniy merosi hamda tinchlik, farovonlik va milliy taraqqiyotga intilishi qayd etilgan.
Shuningdek, hujjatda O‘zbekiston va AQSh o‘rtasida savdo, sarmoya, texnologiya, taʼlim, toza energetika, turizm va gumanitar almashinuvlar sohalaridagi hamkorlik kengayib borayotgani taʼkidlangan.
Sietl shahrida O‘zbekistonning AQShdagi birinchi Bosh konsulxonasi ochilgani alohida qayd etilib, u O‘zbekiston va Vashington shtati o‘rtasidagi yangi bog‘lovchi bo‘g‘in sifatida eʼtirof etilgan. Proklamatsiyada shtatdagi o‘zbek-amerika hamjamiyatining madaniy va ishbilarmonlik aloqalarini rivojlantirishga qo‘shgan hissasi ham yuqori baholangan.
Avvalroq Oregon shtati, Sietl, SiTak va Vashington shaharlari 1-sentabrni O‘zbekiston Mustaqilligi kuni deb eʼlon qilgan edi. Gubernatorning ushbu qarori O‘zbekiston va AQSh o‘rtasidagi aloqalar mustahkamlanib borayotganining yana bir dalili bo‘ldi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Vladimir Kuxarev: Minsk uchun Toshkent bilan do‘stona va ishonchli munosabatlar juda qadrli
Vashingtonda O‘zbekiston Mustaqilligining 35 yilligi munosabati bilan tantanali qabul marosimi bo‘lib o‘tdi
AQShning Montana shtatida 1-sentabr rasman “O‘zbekiston Mustaqilligi kuni” deb eʼlon qilindi
O‘zbekiston davlat mustaqilligining 35 yilligi munosabati Pokistonda rasmiy qabul marosimi o‘tkazildi
