O‘zbekiston delegatsiyasi Moskva va Krasnogorskda vatandoshlar bilan uchrashdi
Sentabr 01, 2026. 17:00 • 57 soniya
• 15
MOSKVA-KRASNOGORSK, 1-sentyabr. /“Dunyo” AA/. O‘zbekiston delegatsiyasi Moskva va Krasnogorsk shaharlarida mehnat qilayotgan 650 nafarga yaqin hamyurtlarimiz bilan uchrashdi, deb xabar bermoqda “Dunyo” AA muxbiri.
“Five Towers”, “RENKONS” va “SberSiti” obyektlarida ishlayotgan vatandoshlar bilan bo‘lib o‘tgan uchrashuvda konsullik-huquqiy himoyani taʼminlash masalalari muhokama qilindi. Delegatsiya vakillari yurtdoshlarimiz murojaatlarini ko‘rib chiqib, muammoli masalalar yuzasidan zarur tushuntirishlar berdi va amaliy yordam ko‘rsatdi.
Delegatsiya vakillari vatandoshlarning mehnat va yashash sharoitlari bilan tanishdi. Qo‘shimcha o‘rganishni talab qiladigan masalalar ish beruvchilar va vakolatli idoralar bilan birgalikda keyinchalik ishlab chiqish uchun nazoratga olindi.
Fuqarolarimiz bilan Rossiya qonunchiligi, mamlakatda bo‘lish qoidalari va jamoat tartibiga rioya etish yuzasidan profilaktik suhbatlar o‘tkazildi. Xavfsizlik talablari hamda uchuvchisiz uchish apparatlari hujumi tahdidi yuzaga kelganda harakatlanish tartibi alohida tushuntirildi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Moskvada Rossiya Federatsiyasida bo‘lib turgan O‘zbekiston fuqarolarining huquqlarini himoya qilish masalalari muhokama qilindi
Saudiya Arabistonida mehnat qilayotgan hamyurtlarga yaratilgan sharoitlar o‘rganildi
Rossiyaning Kurgan viloyatida vatandoshlarning mehnat huquqlari va xavfsizligi muhokama qilindi
