Xitoy ishbilarmonlari O‘zbekistondagi investitsiya imkoniyatlari bilan tanishdi
Iyul 18, 2026. 11:30 • 59 soniya
• 80
SHENJEN, 18-iyul. /“Dunyo” AA/. Shenjen shahrida O‘zbekistonning investitsiya, eksport va turizm salohiyatiga bag‘ishlangan biznes-forum bo‘lib o‘tdi, deb xabar bermoqda “Dunyo” AA muxbiri.
O‘zbekiston Bosh konsulxonasi hamda “Futian Enterprises Service Centre” uyushmasi hamkorligida tashkil etilgan tadbirda 70 dan ortiq kompaniya vakillari ishtirok etdi.
Ishtirokchilarga O‘zbekistonda amalga oshirilayotgan islohotlar, mamlakatning sarmoyaviy jozibadorligi, tadbirkorlik faoliyatini yuritish uchun yaratilgan shart-sharoitlar, shuningdek, qishloq xo‘jaligi va sanoat mahsulotlari eksporti to‘g‘risida maʼlumot berildi.
Tadbir doirasida Xitoyning “Dayang Group”, “Shenzhen Logistics and Supply Chain Management” hamda “Huasheng” kompaniyalari vakillari O‘zbekiston qonunchiligi, investorlar uchun taqdim etilayotgan imtiyozlar va mamlakat orqali tashqi bozorlarga chiqish imkoniyatlari haqida taqdimotlar o‘tkazdi.
Forumda joriy yil sentyabr oyida 20 dan ortiq Xitoy kompaniyasi vakillaridan iborat delegatsiyaning O‘zbekistonga biznes-missiyasini tashkil etish to‘g‘risida kelishuvga erishildi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Xorazmning eksport geografiyasini kengaytirish bo‘yicha yangi vazifalar belgilandi
Nukusda Qoraqalpog‘istonga investitsiyalar jalb qilish va eksport hajmini oshirish masalalari muhokama qilindi
