Nemis kompaniyasi Buxoro viloyatidagi texnikumga kompyuter texnikasini topshirdi
Oktabr 11, 2026. 11:00 • 2 daq
•
FRANKFURT-MAYN, 11-oktyabr. /«Dunyo» AA/. Nemis kompaniyasining beg‘araz ko‘magi sifatida taqdim etilgan zamonaviy kompyuter jamlanmalari Buxoro viloyatining Romitan tumanidagi 1-sonli texnikumga yetkazildi, deb xabar bermoqda «Dunyo» AA muxbiri.
Mazkur uskunalarni O‘zbekistonga olib kelish va o‘quv yurtiga topshirish jarayoni Frankfurt-Mayn shahridagi Bosh konsulxonamiz tomondan tashkil etildi.
Taqdim etilgan zamonaviy texnika texnikumning moddiy-texnik bazasini mustahkamlaydi, o‘quvchilarning raqamli texnologiyalardan foydalanish imkoniyatlarini kengaytiradi hamda iqtisodiyotni raqamlashtirish sharoitida zarur bo‘lgan amaliy ko‘nikmalarni egallashiga yordam beradi.
2020-yilda asos solingan «Gunzilla Games» kompaniyasi videoo‘yinlar yaratishga ixtisoslashgan. Uning bosh qarorgohi Frankfurt-Mayn shahrida joylashgan bo‘lib, shuningdek, Londonda ham studiyalari faoliyat yuritadi.
Mazkur tashabbus Germaniya ishbilarmonlik doiralari salohiyatini O‘zbekistonda ta’lim sohasini qo‘llab-quvvatlashga jalb etishga qaratilgan.
Bosh konsulxona Germaniya biznes vakillari bilan kasbiy ta’limni modernizatsiya qilish hamda yosh mutaxassislarni mehnat bozori talablariga muvofiq tayyorlashga xizmat qiladigan amaliy hamkorlik loyihalarini izchil davom ettirmoqda.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Rossiyaning Uzoq Sharq federal universiteti O‘zbekiston ta’lim va ilmiy muassasalari bilan hamkorlik qilishga qiziqish bildirmoqda
O‘zbekiston Budapeshtdagi konferensiyada Yevropa Ittifoqi bilan hamkorlikning ustuvor yo‘nalishlarini taqdim etdi
