Pokiston matbuoti: Samarqandda Birodar shaharlar xalqaro forumiga puxta hozirlik ko‘rilmoqda
Iyul 19, 2026. 10:30 • 2 daq
• 123
ISLOMOBOD, 19-iyul. /“Dunyo” AA/. Pokistonning “Daily Independent”, “Media Online Today”, “News Network Pakistan”, “Infora News”, “The World News” kabi yetakchi nashrlarida Samarqand shahrida bo‘lib o‘tadigan Birodar shaharlar xalqaro forumi haqida maqola eʼlon qilindi, deb xabar bermoqda “Dunyo” AA muxbiri.
Nashrlarda yozilishicha, Samarqand shahrida 24-25-iyul kunlari Birodar shaharlar xalqaro forumi o‘tkazilishi rejalashtirilgan. Ushbu hamkorlikni rivojlantirishga bag‘ishlangan tadbirda ilmiy-amaliy anjumanlar, panel sessiyalar va davra suhbatlari tashkil etiladi.
Shu bilan birga, forum davomida birodar shaharlardan tashrif buyurgan ishtirokchilarning turli hamkorlik memorandumlari va bitimlarini imzolashi ko‘zda tutilgan.
Maqolalarda xalqaro forum jarayonida sheriklikni mustahkamlash, tajriba almashish, xalqlar o‘rtasidagi o‘zaro hamkorlikni rivojlantirish borasida amalga oshiriladigan loyihalar haqida ham alohida to‘xtalib o‘tilgan.
Mazkur xalqaro tadbir O‘zbekistonning xalqaro imijini yuksaltirish, hamkorlik aloqalarini yanada kengaytirish va shaharlar o‘rtasidagi sheriklikni mustahkamlashda muhim ahamiyat kasb etadi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
“Finančné Noviny” gazetasi: Toshkent xalqaro moliya markazi O‘zbekistonning xorijiy biznes uchun jozibadorligini oshiradi
Gubernator Eujenio Jani: O‘zbekiston bilan sheriklikni rivojlantirish alohida strategik ahamiyat kasb etmoqda
