AQShning Montana shtatida 1-sentabr rasman “O‘zbekiston Mustaqilligi kuni” deb eʼlon qilindi
Sentabr 04, 2026. 16:00 • 2 daq
• 92
VAShINGTON, 4-sentabr. /“Dunyo” AA/. O‘zbekiston mustaqilligining 35 yilligi munosabati bilan AQShning Montana shtati gubernatori Greg Jianforte 2026-yil 1-sentabrni shtat miqyosida rasman “O‘zbekiston Mustaqilligi kuni” deb eʼlon qildi, deb xabar bermoqda “Dunyo” AA muxbiri.
Gubernator tomonidan imzolangan maxsus proklamatsiyada O‘zbekiston mustaqilligining 35 yilligi mamlakatimiz suvereniteti, boy madaniy merosi hamda tinchlik, farovonlik va milliy taraqqiyot sari izchil intilishlarini ifoda etuvchi muhim tarixiy sana ekani qayd etilgan.
Hujjatda davlatimiz rahbari tomonidan olib borilayotgan keng ko‘lamli islohotlar, O‘zbekistonning xalqaro maydondagi faolligi, mintaqaviy hamkorlikni mustahkamlash hamda Markaziy Osiyoda barqarorlikni taʼminlashga qo‘shayotgan hissasi alohida eʼtirof etilgan.
O‘zbekistonning Sietl shahrida birinchi Bosh konsulxonasining ochilishi tarixiy voqea ekani, u Montana shtatiga ham xizmat ko‘rsatib, ikki tomonlama madaniy, iqtisodiy va taʼlimiy aloqalarni mustahkamlashga xizmat qilishi taʼkidlangan.
Shunga ko‘ra, o‘zbek-amerika hamjamiyatining doimiy saʼy-harakatlari eʼtirof etilib, Montana shtati O‘zbekiston bilan do‘stlik va o‘zaro manfaatli munosabatlarni yana-da rivojlantirishga tayyorligi bildirilgan.
Montana AQShning hududi jihatdan eng yirik shtatlaridan biri bo‘lib, yuqori texnologiyalar, agrotexnologiya, energetika va biotexnologiya sohalarida ulkan iqtisodiy salohiyatga ega.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
O‘zbekiston davlat mustaqilligining 35 yilligi munosabati Pokistonda rasmiy qabul marosimi o‘tkazildi
Rossiya shaharlarida O‘zbekiston davlat mustaqilligining 35 yilligi keng nishonlanmoqda
