28–29-iyul kunlari O‘zbekiston va Qirg‘iziston transport vazirlari “Xitoy–Qirg‘iziston–O‘zbekiston” temiryo‘li qurilayotgan obyektlariga tashrif buyuradi
Iyul 28, 2026. 10:30 • 59 soniya
• 204
BISHKEK, 28-iyul. /“Dunyo” AA/. 28–29-iyul kunlari O‘zbekiston transport vaziri Ilhom Mahkamov hamda Qirg‘iziston transport va kommunikatsiyalar vaziri Talantbek Soltoboyev Qirg‘iziston hududida qurilayotgan “Xitoy–Qirg‘iziston–O‘zbekiston” temiryo‘lining asosiy obyektlariga tashrif buyurib, qurilish ishlarining borishi bilan tanishadi, deb xabar bermoqda “Dunyo” AA muxbiri.
Qirg‘izistonning “Kabar” milliy axborot agentligi yozishicha, tashrif doirasida tomonlar Qirg‘iziston hududida tunnellar, ko‘priklar va boshqa infratuzilma obyektlarini qurish masalalarini ko‘rib chiqib, ishlarni bajarish surʼatlari va kelgusidagi vazifalarni muhokama qiladi.
Shuningdek, vazirlar qurilish ishlarining o‘z vaqtida va sifatli bajarilishini taʼminlash yuzasidan fikr almashadi.
Agentlik taʼkidlashicha, “Xitoy–Qirg‘iziston–O‘zbekiston” temiryo‘l loyihasi strategik ahamiyatga ega bo‘lib, uch davlat o‘rtasidagi transport aloqalarini mustahkamlash, tranzit imkoniyatlarni kengaytirish va yangi xalqaro transport yo‘lagini yaratishga qaratilgandir.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
O‘zbekiston va Hindiston saylov jarayonlarini tashkil etish sohasida tajriba almashuvini kengaytirmoqda
