NOGINSK, 13-mart. /“Dunyo” AA/. O‘zbekiston elchixonasi Moskva viloyatida “Noginsk” masjidi hududida mehnat faoliyati bilan shug‘ullanuvchi vatandoshlarimiz va Rossiyada tahsil olayotgan o‘zbekistonlik talabalar uchun iftorlik tadbirini tashkil etdi, deb xabar qilmoqda “Dunyo” AA muxbiri.

Tadbir bayramona iftorlik shaklida o‘tkazildi, unda fuqarolarimiz, Buxoro shahridagi “Xalifa Xudoydod” masjidi imom-xatibi Odiljon Sadillolev, shuningdek, viloyat musulmonlari diniy boshqarmasi rahbariyati ishtirok etdi.

Tadbir davomida elchixona vakillari va imom‑xatib o‘z nutqlarida vatandoshlariga birdamlik, hayotga faol yondashuv va o‘z vatanida uzoqda milliy anʼanalarimizni saqlab kelayotgani uchun minnatdorchilik bildirdi. O‘zbekiston insonparvarlik tamoyillariga asoslangan tinchlik, barqarorlik, millatlararo totuvlik va diniy bag‘rikenglik muhitini mustahkamlashga alohida eʼtibor qaratildi.

Xorijdagi O‘zbekiston fuqarolarining huquqlari va qonuniy manfaatlarini himoya qilishga alohida eʼtibor qaratildi. Elchixona vakillari vatandoshlarni qo‘llab-quvvatlash hamda ularga zarur yordam ko‘rsatish diplomatik missiyaning ustuvor vazifasi bo‘lib qolishini taʼkidladilar. Shuningdek, inson qadr-qimmati va fuqarolar manfaatlari O‘zbekiston davlat siyosatining eng oliy qadriyatlaridan biri bo‘lib qolishiga alohida urg‘u berildi.

Imom-xatib o‘z nutqida, yurtdoshlarimizga turli diniy oqimlardan qochish va faqat rasmiy maʼlumot manbalaridan foydalanishni eslatdi.

Uchrashuv yakunida mehmonlarga muqaddas Ramazon oyi bilan ezgu tilaklar hamda chet elda qonuniy va xavfsiz ish bilan taʼminlash va huquqiy himoya bo‘yicha tavsiyalar berildi.