TOSHKENT, 10-dekabr. /“Dunyo” AA/. O‘zbekiston tashqi ishlar vaziri o‘rinbosari Bobur Usmanov kecha Belarus elchisi Aleksandr Ogorodnikov bilan uchrashuv o‘tkazdi, deb xabar bermoqda “Dunyo” AA muxbiri.

TIV maʼlumotiga ko‘ra, tomonlar joriy yilda O‘zbekiston–Belarus munosabatlarini rivojlantirish borasida amalga oshirilgan ishlarning natijalarini ko‘rib chiqdilar.

Ikki tomonlama hamkorlikning izchil mustahkamlanib borayotgani mamnuniyat bilan qayd etildi. Bu esa siyosiy muloqot faollashuvi, savdo hajmining barqaror o‘sishi, iqtisodiyotning ustuvor yo‘nalishlarida loyihalarning amalga oshirilishi, parlamentlararo aloqalarning davom etishi hamda madaniy-gumanitar almashinuvlarning kuchayishi orqali namoyon bo‘lmoqda.

Shuningdek, uchrashuv davomida 2026-yilda o‘tkaziladigan asosiy tadbirlar, jumladan, turli darajadagi o‘zaro tashriflar bo‘yicha fikr almashildi.

“Dunyo” AA olgan surat