TOSHKENT, 15-oktabr. /"Dunyo" AA/. Oʻzbekiston tashqi ishlar vaziri Baxtiyor Saidov Rim shahrida Iordaniya Podshohi Abdulla II ibn al-Husayn  bilan uchrashdi, deb xabar qilmoqda "Dunyo" AA muxbiri.

"Bugun Rim shahrida Iordaniya Hoshimiylar Podsholigining Hazratlari Podsho Abdulla II ibn Al-Huseyn bilan uchrashish hamda Oʻzbekiston Respublikasi Prezidenti muhtaram Shavkat Mirziyoyevning samimiy salomi va maxsus maktubini yetkazish men uchun katta sharaf boʻldi, – deb yozdi Oʻzbekiston TIV rahbari oʻzining telegram-kanalida. – Uchrashuvimiz Oʻzbekiston va Iordaniya oʻrtasidagi doʻstlik va oʻzaro hurmatga asoslangan mustahkam aloqalarning yana bir bor tasdigʻiga aylandi. Har ikki mamlakat siyosiy, iqtisodiy, madaniy va gumanitar sohalarda hamkorlikni yanada mustahkamlashga qat'iy sodiqdir.

Umumiy qadriyatlar va hamkorlik ruhidan ilhomlanib, ikki davlat tashqi ishlar vazirliklari oʻzaro ishonch va qat'iyat bilan ushbu samarali munosabatlarni yanada boyitish, xalqlarimiz farovonligi va ezgu kelajagi yoʻlida yangi hamkorlik yoʻnalishlarini ochishga intiladilar".