AR-RIYOZ, 2-sentyabr. /"Dunyo" AA/. Saudiya Arabistonining "Al Harir" gazetasida "Ko'p tomonlama savdo tizimi va O'zbekistonning ShHT doirasidagi yangi imkoniyatlari" sarlavhali maqola chop etildi, deb xabar qilmoqda "Dunyo" AA muxbiri.

"ShHT doirasidagi ko'p tomonlama savdo tizimi yangi global voqelikka moslashish uchun asosiy vositaga aylanmoqda. Qabul qilingan "Yo'l xaritasi" nafaqat umumiy yo'nalishlarni jamladi, balki hamkorlikning amaliy asosini ham yaratdi", – deyilgan maqolada.

Nashrda ta'kidlanishicha, O'zbekiston uchun ushbu jarayonlarda ishtirok etish – tranzit zanjiridan to'laqonli sanoat va savdo markaziga aylanish imkoniyatini taqdim etadi.

Tovar ayirboshlash hajmi o'sishi, eksportni diversifikatsiya qilish va investitsiyalarni faol jalb etish ko'rsatkichlari mamlakatning yangi prinsiplari asosida — teng huquqli sheriklik, raqamlashtirish va ochiqlik orqali jahon iqtisodiyotiga integratsiyalanishga ishonch bilan harakatlanayotganini namoyon etadi.

"Ushbu omillar O'zbekiston va butun mintaqaning kelajagini tobora ko'proq ShHT bilan bog'lanmoqda. Bu, shuningdek, O'zbekistonning tashkilotda ko'p tomonlama savdo tizimi rivojlanishining haqiqiy drayveriga aylantiradi", – deyilgan nashrda.