PEKIN, 29-oktyabr. /Dunyo" AA/. Xitoyning "Lookwe" jurnalida Toshkentda davom etayotgan "UzCharmExpoEurAsia–2025" ko'rgazmasiga bag'ishlangan maqola chop etildi, deb xabar beryapti "Dunyo" AA muxbiri.

Nashrda ma'lum qilinganidek, 19-xalqaro "UzCharmExpoEurAsia–2025" ko'rgazmasi joriy yilning 28-30-oktyabr kunlari "O'zekspomarkaz" milliy ko'rgazmalar majmuasida bo'lib o'tayapti. Ko'rgazmada charm, poyabzal, qorako'l, mo'yna, jun va boshqa mahsulotlar namoyish etilyapti.

"Tadbir Savdo-sanoat palatasi, "O'zcharmsanoat" uyushmasi va Xalq banki tomonidan tashkil etilgan. Tashkilotchilar ko'ra, "UzCharmExpoEurAsia–2025" ko'p yillik tajriba, o'zaro manfaatli hamkorlik va muvaffaqiyatli biznesni birlashtirgan manzil", – deb yozilgan materialda.

Ko'rgazma ikki tomonlama aloqalarni rivojlantirishga ko'maklashadi, hamkorlikni mustahkamlaydi, xalqaro brendlarni jalb qiladi va sanoatning eksport imkoniyatlarini kengaytiradi.

Bu yilgi tadbir charm va poyabzal sanoati uchun Yevroosiyodagi eng muhim biznes va innovatsion platformalardan biriga aylanadi.

Ta'kidlanishicha, Italiya, Turkiya, Latviya, Xitoy, Rossiya, Qozog'iston, Belarus, Qirg'iziston, Ozarbayjon, Pokiston va Mo'g'ulistondan 30 dan ortiq kompaniyalar o'z mahsulotlarini namoyish etmoqda.

Xitoy OAV yozganidek, O'zbekiston sanoati so'nggi yillarda ta'sirchan yutuqlarga erishdi. 2017-yilda ishlab chiqarish hajmi 560 milliard so'mni tashkil etgan bo'lsa, 2024-yilga kelib u 5,5 trillion so'mga yetadi.

"Made in Uzbekistan" brendi ostidagi mahsulotlar Markaziy Osiyo va MDH bozorlarida yetakchi o'rinlarni egallaydi va xalqaro miqyosda muvaffaqiyatli kengayib bormoqda.

 "UzCharmExpoEurAsia–2025" B2B, G2B va G2G shaklidagi muzokaralar uchun imkoniyatlar yaratadi, shuningdek, taqdimotlar, biznes uchrashuvlari va yangi shartnomalar imzolash uchun platforma bo'lib xizmat qiladi", – deya urg'ulangan maqola oxirida.