ISLOMOBOD, 22-may. /"Dunyo"AA/. Milliy muloqot forumi tahliliy markazi ijrochi direktori Shexriyar Xon (Pokiston) "Dunyo" AA uchun intervyusida O'zbekiston Prezidenti Shavkat Mirziyoyevning 19-21-may kunlari Vengriyaga buyurgan rasmiy tashrifi yakunlari haqidagi fikrlarini bildirdi:

– Men xalqaro siyosat bo'yicha ekspert sifatida O'zbekistonning tashqi siyosiy faoliyatini, ayniqsa, Prezident Shavkat Mirziyoyevning Vengriyaga tashrifi kontekstida katta qiziqish bilan kuzatyapman. Ushbu tashrif Toshkentning Yevropa yo'nalishidagi hamkorlar tarmog'ini kengaytirishga bo'lgan yondashuvining yetukligini aks ettiradi.

Bu, ayniqsa, O'zbekistonning nafaqat iqtisodiy, balki madaniy va ma'rifiy tarkibiy qismlarga tayangan holda Yevropa Ittifoqi davlatlari bilan mustahkam va mazmunli aloqalar o'rnatayotganidan dalolat beradi. Ta'kidlash joizki, Vengriya nafaqat Yevropa Ittifoqi a'zosi, balki o'ziga xos geosiyosiy mavqega ega va Markaziy Osiyoda alohida manfaatdor davlatdir. Bu uni turkiy va Yevropa makonining muhim aloqa kanaliga aylantiradi.

Menimcha, O'zbekiston yetakchisining Budapeshtga tashrifi rasmiy Toshkent bugun transmintaqaviy jarayonlarning faol ishtirokchisi ekanligini yana bir bor tasdiqladi. Ayniqsa, Prezident Shavkat Mirziyoyevning Turkiy davlatlar tashkilotining norasmiy sammitidagi ishtiroki diqqatga sazovordir.

O'zbekiston Sharq va G'arbga qarama-qarshi emas, balki muvozanat va pragmatizmga intilib, ko'p bosqichli tashqi siyosat yuritishning qiziqarli namunasini ko'rsatmoqda.

Vengriyaga tashrif esa nafaqat sarmoya va savdo, balki O'zbekistonning Yevroosiyo markazida ishonchli hamkor sifatida uzoq muddatli o'rin egallashiga qaratilgan. Jahon iqtisodiyotining global parchalanishi sharoitida O'zbekiston barqaror ta'minot zanjirlarini yaratishi mumkin bo'lgan ittifoqchilar topayotgani ayniqsa muhimdir.

Mazkur tashrif nafaqat ikki tomonlama aloqalarni, balki dunyoning turli burchaklarida, jumladan, Yevropada ham fikri tinglanadigan davlatga aylanib borayotgan O'zbekistonning xalqaro miqyosdagi ishtirokining institutsional jihatini mustahkamlaydi.

Ishonchim komilki, tashrif natijalari nafaqat Toshkent va Budapesht uchun, balki kengroq Yevroosiyo kontekstida ham uzoq muddatli samara beradi. Bu bir lahzalik konyunkturaga emas, balki o'zaro ishonch, o'ziga xoslik va strategiyaga asoslangan diplomatiya namunasidir.