TOKIO, 10-oktyabr /"Dunyo" AA/. Markaziy Osiyo va Kavkaz tadqiqotlari ilmiy-tadqiqot instituti direktori, Tetsudji Tanaka (Yaponiya) "Dunyo" AA uchun intervyusida O'zbekiston Prezidenti Shavkat Mirziyoyevning Ozarbayjonga amaliy tashrifi yakunlari va Turkiy davlatlar tashkilotining Gabalada bo'lib o'tgan sammitidagi nutqi haqida fikrlarini bildirdi.

– Prezident Shavkat Mirziyoyevning Gabala shahrida bo'lib o'tgan Turkiy davlatlar tashkilotiga a'zo davlatlar Davlat rahbarlari kengashi yig'ilishida ishtirok etgani O'zbekistonning turkiy integratsiyani rivojlantirishdagi faol va konstruktiv rolining muhim dalili bo'ldi. Davlatingiz rahbari o'z nutqida TDT doirasidagi kelgusi hamkorlikning keng qamrovli va strategik qarashlarini taqdim etib, ishtirokchi mamlakatlar o'rtasidagi siyosiy, iqtisodiy va gumanitar aloqalarni mustahkamlash zarurligini ta'kidladi.

Strategik sheriklik, Abadiy do'stlik va birodarlik to'g'risidagi shartnomani tezkorlik bilan kelishish, shuningdek, tashkilotni 2030-yilgacha rivojlantirish strategiyasini ishlab chiqish taklifi alohida ahamiyatga ega bo'ldi, bu esa Toshkentning tashkilotni yana-da institutsional va samarali bo'lishiga sodiqligini namoyish etdi.

Prezident Shavkat Mirziyoyev nutqining iqtisodiy blokida savdo, investitsiya va sanoat kooperatsiyasi uchun qulay shart-sharoitlarni yaratishga qaratilgan Yangi iqtisodiy imkoniyatlar makonini yaratish muhimligini ta'kidladi. Toshkentda loyiha ofisiga ega Turkiy davlatlarning Iqtisodiy hamkorlik bo'yicha Doimiy kengashini tashkil etish tashabbusi O'zbekistonning o'zaro manfaatli loyihalarni ishlab chiqishda faol muvofiqlashtiruvchi rol o'ynashga tayyorligini aks ettiradi.

Shu bilan birga, sanoat kooperatsiyasini kengaytirish, "yashil" texnologiyalarni joriy etish, logistika yo'laklarining yagona tizimini yaratishga alohida e'tibor qaratilayotgani mamlakatimizning mintaqa iqtisodiyotining aloqadorligi va barqarorligini mustahkamlash bo'yicha uzoq muddatli strategiyasini tasdiqlaydi.

Bundan tashqari, O'zbekiston rahbari nutqida ekologiya, oziq-ovqat xavfsizligi, yashil energetika, ekstremizmga qarshi kurash kabi sohalardagi muhim tashabbuslar o'rin olgan bo'lib, O'zbekistonning mintaqaning barqaror rivojlanishini ta'minlashga bo'lgan har tomonlama yondashuvi alohida ta'kidlandi.

Umuman olganda, Prezident Shavkat Mirziyoyevning Gabala sammitidagi ishtiroki O'zbekistonning o'zaro ishonch, pragmatizm va konstruktiv hamkorlikka sodiqlikka asoslangan turkiy integratsiyaning zamonaviy qiyofasini shakllantirishdagi strategik uzoqni ko'ra olishi va yetakchiligini namoyish etdi.