Yilning 136-kuni. Yil yakunlanishiga 229 kun qoldi

Ushbu sanada O'zbekistonda:

1992-yil: Toshkentda Mustaqil Davlatlar Hamdo'stligiga a'zo mamlakatlar o'rtasida kimyoviy qurollar bo'yicha, ta'lim, madaniyat sohasida va havo hududidan foydalanish to'g'risida bitimlar imzolandi.

1994-yil: O'zbekiston Prezidenti rasmiy tashrif bilan Yaponiyaga jo'nab ketdi.

1995-yil: Toshkentda O'zbekiston va Slovakiya ishbilarmon doiralari vakillarining biznes-seminari bo'lib o'tdi.

1996-yil: Nukusda "Ayollar bozor iqtisodiyotiga o'tish davrida" mavzusida ikki kunlik seminar bo'lib o'tdi.

2000-yil: Toshkentda "O'zbekiston XXI asr bo'sag'asida" xalqaro ko'rgazmasi va shu nomdagi konferensiya bo'lib o'tdi. Ko'rgazmada dunyoning yigirma besh mamlakatidan telekommunikatsiya, neft-gaz, konchilik, qurilish va oziq-ovqat sanoati tarmoqlarida faoliyat ko'rsatuvchi 130 dan ortiq kompaniya qatnashdi.

2012-yil: O'zbekiston Prezidenti Xalqaro futbol federatsiyasi (FIFA) prezidentini qabul qildi.

2018-yil: O'zbekiston Prezidenti rasmiy tashrif bilan AQSHga bordi.

2019-yil: O'zbekiston Prezidenti hududlar iqtisodiyoti, aholi hayoti bilan yaqindan tanishish maqsadida Andijon viloyatiga jo'nab ketdi.

2022-yil: O'zbekiston Prezidenti Abu-Dabida tashrifi doirasida Birlashgan Arab Amirliklari Prezidenti bilan uchrashdi.

2023-yil: O'zbekiston Prezidenti maktabgacha ta'lim tizimini takomillashtirish bo'yicha takliflar taqdimoti bilan tanishdi.

2024-yil: Toshkent shahrida milliy estrada san'ati asoschisi, O'zbekiston xalq artisti Botir Zokirov haykali ochildi. Mamlakatimiz rahbari O'zbekiston davlat konservatoriyasi huzuridagi Botir Zokirov nomidagi Milliy estrada instituti faoliyati bilan tanishdi.

Jahonda:

- "Xalqaro tinch-totuvlik kuni";

- "Xalqaro yorug'lik kuni";

- Polshada "Chegarachilar kuni";

- AQSHda ilk bor "Oskar" mukofotini topshirish marosimi bo'lib o'tdi (1929 y.).