QOHIRA, 17-fevral. /"Dunyo" AA/. Xalqaro qidiruvda bo'lgan shaxs Misrdan O'zbekistonga ekstraditsiya qilindi, deb xabar qilmoqda "Dunyo" AA muxbiri.

Interpolning O'zbekistondagi Milliy markaziy byurosi xodimlari tomonidan o'g'irlik va katta miqdorda tovlamachilik jinoyatlarini sodir etganlik uchun xalqaro qidiruvga berilgan O'zbekiston fuqarosi T.X.M. Misrda ekanligi ma'lum bo'ldi.

Qayd etilishicha, ushbu shaxs Misr hududida bir muddat talabalik maqomida yashirinib yurgan. Joriy yil yanvar oyida Interpolning Qohira shahridagi ofisi va Misr huquqni muhofaza qilish idoralari bilan birgalikda o'tkazilgan tezkor tadbir davomida qo'lga olingan.