TOSHKENT, 5-may. "Dunyo" AA/. Tojikiston poytaxtida dzyudo bo'yicha "Katta dubulg'a" turniri o'z nihoyasiga yetdi, deb xabar qilmoqda "Dunyo" AA muxbiri.

Milliy Olimpiya qo'mitasi ma'lumotiga ko'ra, musobaqaning so'nggi kunida +100 kg vazn toifasidagi bellashuvlarda O'tkirbek To'raboyev bronza medaliga sazovor bo'ldi.

Shu tariqa, hamyurtlarimiz mazkur musobaqani 1 ta kumush va 4 ta bronza medallari bilan yakunlashdi.

Xususan, ayollar bahsida Muhayyo Ahmatova (-52 kg) kumush, erkaklar o'rasidagi kurashda Artyom Shturbabin (-66 kg), Hojiakbar Toshev (-73 kg), Murodjon Yo'ldoshev (-81 kg), O'tkirbek To'raboyev (+100 kg) bronza medallariga sazovor bo'lishdi.