O'zbekistonlik qilichboz Osiyo chempionatida bronza medaliga sazovor bo'ldi
Iyun 19, 2025. 13:26 • 33 soniya
• 21
TOSHKENT, 19-iyun. /"Dunyo" AA/. Indoneziyaning Bali shahrida qilichbozlik bo'yicha Osiyo chempionati bo'lib o'tyapti, deb xabar qilmoqda "Dunyo" AA muxbiri.
Milliy Olimpiya qo'mitasi ma'lumotiga ko'ra, kecha O'zbekiston terma jamoasi musobaqadagi dastlabki medalni qo'lga kiritdi. Ayollar o'rtasida sablya dasturida kechgan bellashuvlarda hamyurtimiz Fernanda Errera bronza medali sohibiga aylandi.
Ta'kidlanishicha, qozog'istonlik Aygerim Saribay bilan kechgan chorak final bellashuvida 8:14 hisobi qayd etilayotgan paytda Errera ajoyib kambek amalga oshirib, yakunda 15:14 hisobida g'alabani ilib ketdi.
Biroq, final yo'llanmasi uchun bo'lib o'tgan murosasiz kurashda sportchimiz "Parij-2024" yozgi Olimpiya o'yinlari sovrindori yaponiyalik Misaki Emuraga 13:15 hisobida imkoniyatni boy berdi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Rossiya OAV: O‘zbekistonlik shaxmatchi jahon kubogining eng yosh g‘olibiga aylandi
O'zbekiston Milliy paralimpiya terma jamoasi xalqaro turnirda munosib ishtirok etdi
