TOSHKENT, 4-iyul. /"Dunyo" AA/. 29-avgustdan 8-sentyabrgacha O'zbekiston va Tojikiston yashil maydonlarida futbol bo'yicha "CAFA Nations Cup" turniri bo'lib o'tadi, deb xabar qilmoqda "Dunyo" AA muxbiri

O'zbekiston futbol assotsiatsiyasi ma'lumotiga ko'ra, bu gal "CAFA Nations Cup" qatnashchilari soni yana ikkitaga ko'paydi. Jumladan, musobaqada mehmon sifatida Malayziya va O'mon terma jamoalari ishtirok etadi. 

Kecha mazkur musobaqaga qur'a tashladi. Unga ko'ra, O'zbekiston milliy terma jamoasi "A" guruhidan joy oldi. Bosh jamoamiz mazkur guruhda Qirg'iziston, Turkmaniston va O'mon bilan bahs yuritadi. "B" guruhida esa Tojikiston, Eron, Afg'oniston va Malayziya o'zaro o'ynaydi.