TOSHKENT, 7 noyabr. /"Dunyo" AA/. 2025 yilning 11-13 noyabr kunlari "O'zekspomarkaz" MKMda texnologik taraqqiyot va kelajak xavfsizligining yagona g'oyasi bilan birlashtirilgan ikkita tadbir - "Umumiy xavfsizlik – Securex Uzbekistan 2025" 16-xalqaro ko'rgazmasi va elektronika, elektrotexnika va innovatsion texnologiyalar "E-TechExpo 2025" 4-xalqaro ko'rgazmasi o'tkaziladi, deb xabar bermoqda "Dunyo" AA muxbiri.

Tashkilotchilar – "Iteca Exhibitions" xalqaro ko'rgazma kompaniyasi va uning hamkori "ICA Eurasia Group".

Zamonaviy dunyoda innovatsion texnologik yechimlar va keng qamrovli xavfsizlik choralarisiz barqaror rivojlanish mumkin emas. "E-TechExpo 2025" va "Securex Uzbekistan 2025" ko'rgazmalarining bir sanalarda o'tkazilishi ushbu yo'nalishlarning o'zaro chambarchas bog'liqligini aks ettiradi: elektronika va elektrotexnika avtomatlashtirish va boshqarish tizimlarining asosini tashkil etadi va aksariyat zamonaviy xavfsizlik yechimlarini raqamli va elektron texnologiyalarsiz amalga oshirib bo'lmaydi.

Ko'rgazmalarning birlashgan ekspozitsiyasida Avstriya, Belarus, Germaniya, Qozog'iston, Xitoy, Janubiy Koreya, Polsha, Rossiya, Turkiya va O'zbekistondan 39 ta kompaniya ishtirok etadi.

Tadbirlar doirasida biznes dasturni ham qamrab oladi va davlat idoralari, sanoat korxonalari, muhandislik-qurilish tashkilotlari, energetika kompaniyalari, huquqni muhofaza qilish organlari, xavfsizlik xizmatlari, IT-kompaniyalar, tizim integratorlari vakillarini birlashtiradi. Aynan shu yerda mintaqaning innovatsion va xavfsiz infratuzilmasining kelajagini shakllantiradigan g'oyalar va hamkorliklar tug'iladi.

"Securex Uzbekistan 2025" ko'rgazmasi xavfsizlik mutaxassislari uchun yetakchi biznes platforma bo'lib, bu yerda mutaxassislar signalizatsiya va videokuzatuv tizimlaridan tortib zamonaviy elektron qurilmalar, dasturiy yechimlar va ma'lumotlarni himoya qilish texnologiyalarigacha bo'lgan eng so'nggi ishlanmalar bilan tanishishlari mumkin.

Ko'rgazmaning oltin homiysi – "Hikvision" (O'zbekiston) kompaniyasi rasmiy distribyutor bo'lib, obyektlarni himoya qilish va qo'riqlash uchun videokuzatuv tizimlari, kirishni nazorat qilish, interkomlar, biometrik qurilmalar, turniketlar va tegishli uskunalarni taklif etadi.

2022 yilda tashkil etilgan "E-TechExpo" ko'rgazmasi sohada bo'lgan qiziqishning barqaror o'sishini namoyish etdi va o'zini muhim mintaqaviy professional tadbir sifatida namoyish etdi. Ko'rgazma ishtirokchilari soni yildan-yilga ortib bormoqda, shu bilan birga ko'rgazmadagi mahsulotlarning geografik ko'lami va assortimenti kengaymoqda.

Taniqli ishtirokchilar orasida xavfsizlik va texnologiya sohasidagi ilg'or ishlanmalarni taqdim etuvchi yetakchi mahalliy va xalqaro kompaniyalar mavjud: "Aselsan" (Turkiya) - ikki maqsadli mahsulotlar ishlab chiqarishda yetakchilardan biri; "EAS" (O'zbekiston) - dronlarga qarshi innovatsion tizimlarni milliy ishlab chiqaruvchisi; "UNITREE" (Xitoy) - robototexnika sohasining yetakchisi; "Regula" (Belarus) - hujjatlar, banknotlar va qimmatli qog'ozlarning haqiqiyligini tekshirish bo'yicha ekspert yechimlarining taniqli ishlab chiqaruvchisi.

"E-TechExpo 2025" va "Securex Uzbekistan 2025" kompaniyaning kuzgi mavsumini yakunlovchi tadbirlaridir. Uch kunlik mazmunli dastur davomida ishtirokchilar yangi imkoniyatlar va bozorlarni kashf etish, dolzarb bilimlarni o'zlashtirish hamda "Iteca Connect" mobil ilovasi orqali muloqot o'rnatish imkoniyatiga ega bo'ladilar.

Ko'rgazmaga tashrif buyurish uchun quyidagi havolalar orqali ro'yxatdan o'ting va onlayn beydjga ega bo'ling:

"Securex Uzbekistan 2025"– https://securex.uz/ru/posetitx-vstavku  

"E-TechExpo 2025" – https://e-techexpo.uz/ru/posetitx-vstavku