ISTANBUL, 26-oktabr. /"Dunyo" AA/. Oʻzbekiston Bosh konsulxonasi xodimlari Turkiyaning Edirne va Kirklareli deportatsiya markazlarida boʻlib turgan vatandoshlar bilan muloqot qildilar, deb xabar qilmoqda "Dunyo" AA muxbiri.

Tashrif davomida Turkiyada migratsiya qonunchiligi talablarini buzganligi sababli mazkur markazlarda vaqtincha saqlanayotgan vatandoshlarga konsullik-huquqiy yordam koʻrsatildi. Ularning yashash, madaniy hordiq chiqarishi, yaqinlari bilan muloqot qilishi uchun yaratilgan sharoitlar oʻrganildi.

Hamyurtlarimizni oilasi bagʻriga qisqa fursatlarda qaytarish yuzasidan barcha amaliy choralar koʻrilishi ta'kidlandi.