O'zbekiston turizm salohiyati Singapurda taqdim etildi
Oktabr 17, 2025. 18:03 • 40 soniya
• 60
SINGAPUR, 17 oktyabr. /"Dunyo" AA/. Shu yilning 15-17 oktyabr kunlari Singapurda "ITB Asia 2025" xalqaro turizm ko'rgazmasi bo'lib o'tdi, deb xabar qilmoqda "Dunyo" AA muxbiri.

Ushbu tadbir Osiyo mintaqasidagi eng nufuzli va yirik B2B formatidagi turizm ko'rgazmasi bo'lib, unda dunyo bo'ylab yirik turoperatorlar, agentliklar, mehmonxona tarmoqlari, aviakompaniyalar hamda MICE sohasi vakillari ishtirok etadi.
Shuningdek, ushbu ko'rgazma xalqaro turizm bozoridagi yangi tendensiyalar, sheriklik aloqalari va investitsiyaviy imkoniyatlarni muhokama qilish maydoni sifatida ham muhim ahamiyatga ega.
O'zbekistonning "Caravan Travel" kompaniyasi mazkur tadbirda mamlakatimizning boy madaniy va tarixiy merosi, ziyorat va ekoturizm salohiyati, zamonaviy mehmonxona infratuzilmasi hamda yangi turistik mahsulotlarini taqdim etdi.
Kompaniya taqdimoti ko'rgazma ishtirokchilari va mehmonlarining yuqori qiziqishiga sabab bo'ldi. Ko'plab singapurliklar O'zbekistonning diqqatga sazovor joylarini ko'rish uchun yurtimizga sayohat qilish istaklarini bildirdi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Malayziya sayyohlik kompaniyalari bilan turizm bo‘yicha kelishuvlarga erishildi
Budapeshtda O‘zbekiston turizm imkoniyatlari bo‘yicha aksiya o‘tkazildi
Polshaning Reda shahrida o‘zbek turizm sohasi eʼtirof qilindi
Nemis ekspertlari O‘zbekistondagi turizm imkoniyatlarini yuqori baholadi
Goada O‘zbekiston turistik salohiyati va milliy modasi taqdimoti bo‘lib o‘tdi