BRYUSSЕL, 17 oktabr. /"Dunyo" AA/. "Global turizm forumi" tashkilotining 20-21 oktyabr kunlari Bryusselda bo'lib o'tadigan navbatdagi uchrashuvidan oldin "Turizm va mehmondo'stlik sohasida jahon muqofotlari–2025: Sayohat va mehmondo'stlikda global mukammallikni e’tirof etish" mavzusida tantatanli tadbir bo'lib o'tdi, deb xabar qilmoqda "Dunyo" AA muxbiri.

Shu kuni jahonning turizm va mehmondo'stlik sohasidagi yetakchi kompaniyalari 2025 yilgi "Jahon turizm mukofotlari" tantanali marosimida qatnashish uchun Bryussel shahridagi Belgiya san’at Muzeyida yig'ildi.

Unda butun dunyo bo'ylab sayohlik sohasini shakllantirayotgan muvaffaqiyatli manzillar, tashkilotlar, sohaga yangi innovatsiya g'oyalarini olib kirayotganlar taqdirlandi. Shuningdek, tadbir davomida barqarorlik, texnologiya, investitsiya va madaniy innovatsiyalar sohasidagi muhim yutuqlar namoyish qilindi.

Quvonarlisi, "Manzil sifatida mukammallik va Eng yaxshi sayohat manzillari" yo'nalishida O'zbekiston "Eng yaxshi madaniy turizm manzili" deb e’tirof etildi va taqdirlandi.