O'zbekiston va Keniya o'rtasida diplomatik munosabatlar o'rnatildi
Sentabr 20, 2025. 08:57 • 41 soniya
• 582
TOSHKENT, 20-sentyabr. /"Dunyo" AA/. O'zbekiston tashqi ishlar vaziri Baxtiyor Saidov Nyu-York shahrida Keniya Bosh vaziri va tashqi ishlar va diaspora ishlari bo'yicha vaziri Musaliya Mudavadi bilan uchrashdi, deb xabar qilmoqda "Dunyo" AA muxbiri.
"Keniya Bosh vaziri va tashqi ishlar va diaspora ishlari bo'yicha vaziri Musaliya Mudavadi janoblari bilan uchrashganimizdan mamnunmiz, – deb yozdi O'zbekiston TIV rahbari o'zining telegram-kanalida. – Birgalikda mamlakatlarimiz o'rtasida diplomatik munosabatlar o'rnatish to'g'risida Kommyunike imzoladik. Keniya Afrikaning eng dinamik iqtisodiyotlaridan biri va texnologiya hamda innovatsiyalar markazi sifatida jadal taraqqiyot namoyon etmoqda.
Biz ikki xalq manfaatlariga bevosita foyda keltiradigan samarali hamkorlik imkoniyatlarining keng doirasini muhokama qildik".
Keniya O'zbekiston bilan diplomatik munosabatlar o'rnatgan 164-davlat bo'ldi. 2025-yil 10-sentyabr kuni O'zbekiston Karib dengizining sharqiy qismida joylashgan Sent-Lyusiya orol davlati bilan diplomatik munosabatlar o'rnatgan edi.
Telegram kanalimizga obuna bo‘ling
Barcha yangiliklar va yangilanishlardan birinchi bo‘lib xabardor bo‘ling!
So‘nggi yangiliklar
Barchasi
Mavzuga oid
Burundining O‘zbekistondagi birinchi elchisi akkreditatsiyadan o‘tdi
Braziliyaning O‘zbekistondagi yangi elchisi akkreditatsiyadan o‘tdi
Venada “Markaziy Osiyo – Shimoliy Yevropa” formatidagi birinchi uchrashuvi bo‘lib o‘tdi
O‘zbekiston TIV rahbari Venada Gruziya tashqi ishlar vaziri bilan uchrashdi