TOSHKENT, 24-oktabr. /"Dunyo" AA/. Xorijda istiqomat qilayotgan vatandoshlarimizni xabardor qilish maqsadida agentlik tomonidan 27-oktabr kuni bo'lib o'tadigan O'zbekiston Oliy Majlisi Qonunchilik palatasi saylovida ovoz berish bo'yicha xorijiy davlatlarda tuzilgan saylov uchastkalarining interaktiv xaritasi yaratildi, deb xabar bermoqda "Dunyo" AA muxbiri.

Xarita https://www.google.com/maps/d/viewer?mid=1aITt7kJlAca7AqE6Va5BUexiSJbTt4px&ll=32.55122484891914%2C33.35595870900236&z=3 havolasida joylashtirilgan.

Havolani bosish orqali siz eng yaqin saylov uchastkasi haqida ma'lumot olishingiz va o'zingiz uchun eng maqbul yo'nalishni tanlashingiz mumkin.

Boshqa davlatlarda yashovchi vatandoshlarimizning konstitutsiyaviy huquqlarini amalga oshirishni ta'minlash maqsadida mamlakatimizning 39 ta davlatdagi diplomatik va boshqa vakolatxonalari huzurida 56 ta saylov uchastkasi tashkil etilgan.

Bugun O'zbekiston fuqarolari zid yashaydigan va ish bilan ta'minlangan joylarda tashkil etilgan ko'chma ovoz berish nuqtalarida muddatidan oldin ovoz berish jarayoni yakunlanadi.

Eslatib o'tamiz, O'zbekistonda 27-oktabr kuni bo'lib o'tadigan parlament sayloviga tayyorgarlik ko'rish maqsadida mamlakatimizning xorijdagi fuqarolariga konsullik hisobida turmasdan ovoz berish uchun saylovchilar ro'yxatiga kiritishga elektron murojaat qilish imkonini beradigan "saylov.mfa.uz" sayti ishga tushirilgan edi.

Shuningdek, mazkur platforma orqali xorijdagi fuqarolar eksterritorial tamoyili asosida o'zlari tanlagan saylov uchastkasini o'zgartirish imkoniyati qo'shimcha qulaylik sifatida joriy etildi.