АЛ-КУВАЙТ, 3 октябрь. /"Дунё" АА/. Кувайт пойтахтида Ўзбекистон маҳсулотлари кўргазмаси ташкил этилди, деб хабар бермоқда "Дунё" АА мухбири.

Мазкур кўргазмада Кувайтнинг бир қатор вазирлик ва идоралари раҳбарлари ҳамда етакчи инвестор ва тадбиркорлар иштирок этди.

Ўзбекистон томонидан Сирдарё, Жиззах, Фарғона, Самарқанд ва Тошкент вилоятлари ҳамда Қорақалпоғистондаги келган экспортёр қатнашди.

 Кўргазма майдонида "Nasser Trading Agro", "Nukus kun qurilish", "BMD Green Food", "Fotima hamkor Agro", "Central Asia Motors", "Otaman Textile" ва "Orient organic technology", "Uzkabel", "Apiteks" ва "Dilrabo Travel" компаниялари ўз маҳсулотларини намойиш қилди.

Кўргазма доирасида Ўзбекистон ва Кувайт компаниялари вакиллари иштирокида B2B учрашувлари ташкил этилди. Уларда Ўзбекистон маҳсулотларининг Кувайтга бозорига экспортини кенгайтириш бўйича келишиб олинди.