ТОШКЕНТ, 2 август. /“Дунё” АА/. АҚШнинг Вашингтон штати шарқида 100 минг гектардан ортиқ майдонни қамраб олган ўрмон ёнғинлари Спокан шаҳри ҳудудида оммавий эвакуация ва электр таъминотидаги узилишларга олиб келди, деб хабар бермоқда “Дунё” АА мухбири.

“Reuters” агентлигининг маълум қилишича, шанба куни эрталаб губернатор Боб Фергюсон бутун штат бўйлаб фавқулодда ҳолат эълон қилган ва гулхан ёқишни тақиқлаган. Расмийларнинг сўзларига кўра, ҳозирча ёнғин оқибатида жабрланганлар ёки ҳалок бўлганлар ҳақида маълумот йўқ.

“Штатимиз кўплаб ёнғинлар туфайли жуда жиддий вазиятга дуч келди”, ­ деди Фергюсон ва дам олиш кунлари кузатилаётган кучли шамол ҳамда юқори ҳарорат ёнғинларга қарши курашни қийинлаштираётганини таъкидлади.

Миллий гвардиядан ташқари, ўндан ортиқ штатдан келган ўт ўчирувчилар ҳам ёрдам кўрсатмоқда.

Бу ёзда ўрмон ёнғинлари Тинч океанининг шимоли-ғарбий қисмидаги бошқа ҳудудларда ҳам муаммога айланди. Ўтган ойда Британия Колумбиясининг жанубий қисмида 34 мингга яқин чақмоқ чақиши бир қатор ёнғинларни келтириб чиқарган ва эвакуация қилиш ҳақида буйруқлар берилишига сабаб бўлган.

“Reuters” портали сурати