ТОШКЕНТ, 5 сентябрь. /"Дунё" АА/. Россия Президенти Владимир Путин бугун Алексей Ерховни Ўзбекистондаги элчи этиб тайинлаш тўғрисидаги фармонни имзолади, деб хабар бермоқда "Дунё" АА мухбири.

Россиянинг Тошкентга тайинлаган янги элчиси 64 ёшда. У Москва давлат халқаро муносабатлар институтини тамомлаган, 1983 йилдан буён дипломатик хизматда, жумладан, Марокаш, Миср, Исроил, Туркия ва Ташқи ишлар вазирлиги марказий аппаратида турли лавозимларда ишлаган. Алексей Ерхов 2017-2025 йилларда Россиянинг Туркиядаги элчиси бўлиб фаолият юритган.

Араб, инглиз ва француз тилларини мукаммал билади.

Фавқулодда ва Мухтор Элчи дипломатик мартабага эга.

Алексей Ерхов 2021-2025 йилларда Тошкентдаги элчихонани бошқарган Олег Мальгинов ўрнига тайинланди.

Россиянинг Анқарадаги элчихонаси сайтидан олинган сурат