ТОШКЕНТ, 13 июнь. /"Дунё" АА/. Ўзбекистон ташқи ишлар вазири Бахтиёр Саидов кеча мамлакатимиздаги фаолиятини якунлаётган Россия элчиси Олег Мальгиновни қабул қилди, деб хабар қилмоқда "Дунё" АА мухбири.

"Мамлакатимизда ўз фаолиятини якунлаётган Россиянинг Фавқулодда ва Мухтор Элчиси Олег Мальгинов жанобларини бугун ТИВда қабул қилдик, – деб ёзди Ўзбекистон ТИВ раҳбари ўзининг telegram-каналида. – Муҳокамаларимиз Ўзбекистон-Россия иттифоқчилик ва стратегик шериклигини янада ривожлантириш масалаларига бағишланди. Биз алоқаларни чуқурлаштириш ва мамлакатларимиз учун манфаатли қўшма ташаббусларни қўллаб-қувватлашга интилишимизни яна бир бор тасдиқладик. Жаноб Элчининг келгуси фаолиятида муваффақиятлар тилаймиз".

Россия Ташқи ишлар вазирлигининг хориждаги ватандошлар билан ишлаш департаментининг собиқ директори Олег Мальгинов 2021 йил 5 мартдан буён Ўзбекистондаги элчи лавозимида ишлаб келаётган эди.

"Дунё" АА олган сурат