ТОШКЕНТ, 7 май. /"Дунё" АА/. Бугун Ватиканда янги Рим папасини сайловчи конклав йиғилади, деб хабар бермоқда "Дунё" АА мухбири.

"Reuters" агентлигининг Ватикандаги юқори лавозимли манбага таяниб хабар беришича, овоз бериш ва яширин овоз беришда иштирок этиш ҳуқуқига эга бўлган барча 133 нафар кардинал аллақачон етиб борган. Черков қоидаларига кўра, конклавда фақат 80 ёшгача бўлган кардиналлар иштирок этиши мумкин.

"Конклав 7 май куни соат 16:30 да XV Сикстина капелласида ёпиқ эшиклар ортида бошланади. 80 ёшгача бўлган кардиналлар ўзлари маъқул топган номзод учун овоз берадилар. Уларнинг танлови католик черкови ва бутун дунё бўйлаб 1 миллиард римлик католик черкови вакилларига катта таъсир кўрсатиши мумкин. Айни пайтда кейинги Рим папаси ким бўлишини олдиндан айтиш жуда қийин", – деб ёзади "BBC".

Қайд этилишича, тарихда биринчи марта кардинал сайловчиларнинг ярмидан камроғини европаликлар ташкил қилмоқда.

"Конклавлар кўпинча бир неча кун давом этади ва битта номзод папа этиб сайланиш учун зарурий кўпчилик овозларнинг тўртдан уч қисмини қўлга киритгунга қадар бир неча босқич овоз беришни талаб қилади. Душанба куни эрталабки йиғилишда 180 нафар кардинал, шу жумладан 132 нафар сайловчи иштирок этди. 133-кардинал сайловчи ҳам Римда, бироқ Кениядан икки нафар кардинал соғлиғидаги муаммо сабабли сайловда иштирок эта олмайди", – дея хабар беради "Reuters".

Ватикан Давлат котиби кардинал Пиетро Паролин ва филиппинлик кардинал Луис Антонио Тагле тез-тез асосий номзодлар сифатида тилга олинса-да, кўпчилик сайловчилар ҳали бир қарорга келмаган.

"Католик черковининг 252 нафар кардиналидан 135 нафари овоз бериш ҳуқуқига эга. Сайловчиларнинг салмоқли қисмини конклавда биринчи марта иштирок этаётган кардиналлар, жумладан, Осиё ва Океаниядан 27 нафар вакил ташкил этади. Бу марҳум Папа Френцискнинг географик ваколатини Европа ва Америкадан ташқарида кенгайтириш истагини акс эттиради. Овоз бериш жараёнини 5 май куни эмас, балки 7 май куни бошлаш ҳақида қарор қабул қилинган. Кординаллар 267-Рим папасини сайлашдан олдин бир-бирини яхшироқ билиш истаги", – деб ёзади "TheTimes".

"BBC" сайтидан олинган сурат