ТОШКЕНТ, 22 октябрь. /"Дунё" АА/. Ўзбекистон Президентининг Афғонистон бўйича махсус вакили Исматулла Эргашев кеча Буюк Британия Ташқи ишлар вазирлигининг Марказий Осиё ва Шарқий Европа мамлакатлари билан ҳамкорлик департаменти директор ўринбосари Марк Клейтон билан учрашув ўтказди, деб хабар қилмоқда "Дунё" АА мухбири.

ТИВ маълумотига кўра, учрашувда сиёсий-дипломатик ва савдо-иқтисодий соҳалардаги икки томонлама ҳамкорликнинг асосий йўналишлари муҳокама қилинди.

Турли даражадаги икки томонлама алоқаларнинг ўсиб бораётган динамикасига эътибор қаратилиб, ҳамкорликни сифат жиҳатидан янги босқичга олиб чиқишга ўзаро қизиқиш билдирилди.

Шунингдек, томонлар хавфсизлик масалалари ва Афғонистон муаммосини ҳал этиш бўйича икки томонлама ҳамда кўп томонлама ҳамкорликни муҳокама қилдилар.

Учрашув конструктив руҳда ўтди ҳамда Ўзбекистон ва Буюк Британия ўртасида амалий мулоқотни янада ривожлантиришдан икки томоннинг ўзаро манфаатдорлигини яна бир бор тасдиқлади.