ТОШКЕНТ, 20 май. /"Дунё" АА/. Бугун Ўзбекистон ташқи ишлар вазири Бахтиёр Саидовнинг Остона шаҳрига ташрифи бошланди, деб хабар қилмоқда "Дунё" АА мухбири.

"Ўзбекистон ташқи ишлар вазири Бахтиёр Саидов бошчилигидаги делегация 20-21 май кунлари Қозоғистон пойтахти Остона шаҳрида бўлади, – деб ёзди Ўзбекистон ТИВ матбуот котиби Ахрор Бурханов ўзининг telegram каналида. – Ташриф давомида ШҲТ ТИВ раҳбарлари кенгашининг навбатдаги йиғилишида иштирок этиш ва икки томонлама музокаралар ўтказиш режалаштирилган".

Шанхай ҳамкорлик ташкилоти котибиятининг маълум қилишича, 16-19 май кунлари Остона шаҳрида ШҲТга аъзо давлатлар Миллий координаторлари кенгашининг (МКК) навбатдаги йиғилиши бўлиб ўтди. Йиғилиш кун тартибига ШҲТга аъзо давлатлар Ташқи ишлар вазирлари кенгаши (20-21 май, Остона ш.) ва ШҲТга аъзо давлатлар раҳбарлари кенгаши (3-4 июль, Остона ш.) йиғилишларига тайёргарлик кўриш масалалари киритилди.

Йиғилишда асосий ҳужжатлар лойиҳалари кўриб чиқилди ва келишиб олинди