ТОШКЕНТ, 22 май. /“Дунё” АА/ Ўзбекистон Президентининг Афғонистон бўйича махсус вакили Исматулла Иргашев Австралия элчиси Жон Гиринг билан музокара ўтказди, деб хабар бермоқда “Дунё” АА мухбири.

ТИВ хабарига кўра, учрашувда томонлар Афғонистондаги мавжуд вазият, шунингдек, Афғонистон йўналишидаги икки томонлама ҳамкорликнинг айрим масалаларини муҳокама қилди.

Жон Гиринг Ўзбекистоннинг Афғонистон бўйича яхлит минтақавий позицияни ишлаб чиқиш борасидаги саъй-ҳаракатларини юқори баҳолади.

Учрашув конструктив руҳда ўтди ва Тошкент ва Канберра ўртасидаги амалий мулоқотни янада ривожлантиришдан икки томон ҳам манфаатдор эканини таъкидлади.

“Дунё” АА сурати