ТОШКEНТ, 18 июн. /"Дунё" АА/. Бугун Ўзбекистон Республикаси Ташқи ишлар вазирлиги Ўзбекистон Республикасининг Корея Республикасидаги Фавқулодда ва Мухтор Элчиси Виталий Василевич Фен вафот этганини чуқур қайғу билан маълум қилади, деб хабар бермоқда "Дунё" ахборот агентлиги мухбири.

"Ўзбекистон Республикаси Ташқи ишлар вазирлиги Ўзбекистон Республикасининг Корея Республикасидаги Фавқулодда ва Мухтор Элчиси Виталий Василевич Фен вафот этганини чуқур қайғу билан маълум қилади", — дейилади Ташқи ишлар вазирлиги хабарида. – Виталий Фен бутун умрини Ватанимизга хизмат қилишга бағишлаган атоқли давлат арбоби, спорт устаси ва профессионал дипломат эди. У 25 йил давомида Ўзбекистоннинг Сеулдаги дипломатик ваколатхонасини бошқарди ҳамда Ўзбекистон ва Корея Республикаси ўртасидаги ҳамкорликни ривожлантиришга улкан ҳисса қўшди. Унинг кўп йиллик фаолияти Ўзбекистон-Жанубий Корея алоқаларининг мустаҳкамланишида ўчмас из қолдиради.

Виталий Василевич Фен "Фидокорона хизматлари учун" ва "Меҳнат шуҳрати", шунингдек, Жанубий Кореянинг "Гвангхва" орденлари билан тақдирланган.

Ўзбекистон Республикаси Ташқи ишлар вазирлиги жамоаси марҳумнинг оила аъзолари ва яқинларига чуқур ҳамдардлик билдиради".

Виталий Фен 2024 йил 18 июнда 77 ёшида вафот этди. У 1947 йил 18 октябрда Тошкент вилоятида туғилган ва 1995 йилдан буён аввал Муваққат ишлар вакили, сўнгра қисқа муддатли танаффус билан Ўзбекистон Республикасининг Жанубий Кореядаги Фавқулодда ва Мухтор Элчиси лавозимларида ишлаган.

Виталий Фен Ислом урф-одатларига кўра, Фарғона шаҳрида дафн этилади.