ТОШКЕНТ, 9 март. /"Дунё" АА/.  Ўзбекистон ташқи ишлар вазири Бахтиёр Саидов Токиода бўлиб ўтган Ўзбекистон-Япония бизнес-форумида маъруза билан иштирок этди, деб хабар қилмоқда "Дунё" АА мухбири.

"Япония иқтисодиёт, савдо ва саноат давлат вазири Рёсуке Кодзуки жаноблари ҳамда Япония ташқи савдо ташкилоти раиси Ишигуро Норихико жаноблари билан биргаликда Токиода бўлиб ўтган Ўзбекистон-Япония бизнес-форуми иштирокчиларини қутлашдан мамнунмиз, — деб ёзди Ўзбекистон ТИВ раҳбари ўзининг telegram каналида". — Ишбилармон доиралар, давлат идоралари ва ҳудудларнинг 300 га яқин вакиллари кўплаб соҳаларда янада истиқболли қўшма лойиҳаларни амалга ошириш орқали иқтисодий алоқаларни кенгайтириш йўлларини муҳокама қилиш имкониятига эга бўлди. Бундан ташқари, тадбир давомида бир қатор келишув ва меморандумлар имзоланди".