ТОШКЕНТ, 17 июль. /“Дунё” АА/. Ўзбекистон ташқи ишлар вазири ўринбосари Мирвохид Азимов кеча Хитой элчиси Юй Цзюнь билан учрашув ўтказди, деб хабар бермоқда “Дунё” АА мухбири.

ТИВ маълумотига кўра, учрашувда икки томонлама кун тартибидаги долзарб масалалар, шунингдек, Ўзбекистон ва Хитойнинг кўп томонлама тузилмалар, жумладан, ШҲТ ва “МО – Хитой” формати доирасидаги ҳамкорлик масалалари муҳокама қилинди.

Томонлар олий ва юқори даражадаги тадбирларга тайёргарлик кўриш юзасидан яқин ҳамкорликни давом эттиришга келишиб олдилар.