Истанбул шаҳрида Туркий давлатлар ташкилоти Ташқи ишлар вазирлари кенгашининг норасмий йиғилиши доирасида Ўзбекистон Республикаси ташқи ишлар вазири Бахтиёр Саидов Туркия ташқи ишлар вазири Ҳакан Фидан билан учрашди.

Учрашув давомида томонлар Яқин Шарқдаги вазият ҳамда унинг минтақавий оқибатлари юзасидан фикр алмашдилар.

Томонлар минтақада тинчлик ва барқарорликни таъминлаш манфаатлари йўлида мавжуд зиддиятларни мулоқот ва дипломатия орқали ҳал этиш муҳимлигини таъкидладилар.

Шунингдек, жорий йил январь ойида Ўзбекистон ва Туркия Президентлари ҳамраислигида ўтказилган Олий даражадаги стратегик ҳамкорлик кенгашининг тўртинчи йиғилишида эришилган келишувларни тўлиқ амалга оширишга қатъий тайёрлик билдирилди.