ТОШКЕНТ, 19 февраль. /"Дунё" АА/. Остона шаҳрида ташриф билан бўлиб турган Ўзбекистон ташқи ишлар вазири Бахтиёр Саидовни бугун Қозоғистон Президенти Қосим-Жомарт Тоқаев қабул қилди, деб хабар бермоқда "Дунё" АА мухбири.

"Остона шаҳрига ташрифимиз давомида Қозоғистон Республикаси Президенти Қосим-Жомарт Тоқаев Жаноби Олийлари томонидан қабул қилинганимиз биз учун шарафдир, – деб ёзди Ўзбекистон ТИВ раҳбари ўзининг telegram каналида. – Ўзбекистон Республикаси Президенти Шавкат Мирзиёев Жаноби Олийларининг самимий саломларини етказдик. Ташқи ишлар вазирликлари мамлакатларимиз ўртасида ўрнатилган стратегик шериклик ва иттифоқчилик муносабатларини янада кенгайтиришга биринчилардан бўлиб хизмат қилади".