АММОН, 3 февраль. /"Дунё" АА/. Кеча икки томонлама музокаралар якунида Ўзбекистон ва Иордания ташқи сиёсат идоралари раҳбарлари Бахтиёр Саидов ва Айман Сафади иккита ҳужжатни имзоладилар, деб хабар бермоқда "Дунё" АА мухбири.

"Мамлакатларимиз ўртасидаги ҳамкорликни янада ривожлантириш мақсадида Айман Сафади жаноблари билан иккита муҳим ҳужжатни имзоладик – деб ёзди Ўзбекистон ТИВ раҳбари ўзининг tеlеgrаm-каналида. –  Дипломатик паспорт эгалари учун визасиз кириш тўғрисидаги ҳукуматлараро келишув, Ташқи ишлар вазирликлари ўртасида 2025-2027 йилларга мўлжалланган қўшма ҳамкорлик дастури".