ТОШКEНТ, 30 октябрь. /"Дунё" АА/. Ўзбекистон ташқи ишлар вазири ўринбосари Илҳом Ҳайдаров 28 октябрь куни "Мўғулистон-Ўзбекистон" парламентлараро дўстлик гуруҳи раҳбари Сухбаатар Эрденебат бошчилигидаги мўғулистонлик кузатувчилар билан учрашди, деб хабар бермоқда "Дунё" АА мухбири.

ТИВ маълумотига кўра, хорижлик кузатувчилар Ўзбекистонда, айниқса, делегация ҳозир бўлган Бухорода сайловга юқори даражада тайёргарлик кўрилгани ва халқаро демократик стандартларга мослигини таъкидлади.

Икки томонлама ҳамкорликнинг бугунги ҳолати ва уларни ривожлантиришнинг янги истиқболли йўналишларини ҳам муҳокама қилинди.

Суҳбат чоғида чорвачилик ва АКТ соҳасида ҳамкорлик алоқаларини ўрнатиш, Ўзбекистон тўқимачилик маҳсулотларини Мўғулистонга экспорт қилишга алоҳида эътибор қаратилди.

"Дунё" АА олган сурат