АММОН, 1 июнь. /"Дунё" АА/. Иорданиянинг "Ammon News" электрон нашрида 24-26 июнь кунлари Тошкентда "MINEX Central Asia 2025" форуми бўлиб ўтиши ҳақида маълум қилди, деб хабар қилмоқда "Дунё" АА мухбири.

"Ушбу форум критик минераллар бўйича глобал келажак масалаларига бағишланган бўлиб, тоғ-кон саноати ва геология вазирлиги ҳамда Ўзбекистон технологик металлар комбинати мезбонлигида ташкил этилмоқда", – дея урғуланган материалда.

Шунингдек, нашрда форум доирасида илк бор Марказий Осиё минтақасида геология ва кончилик соҳасида янгилик яратаётган, фидойилик ва етакчиликни намоён этаётган мутахассисларни тақдирлаш бўйича "Central Asian Mining & Geological Exploration Award" мукофотини топшириш маросими ўтказилиши маълум қилинган.